Presidenti Meta publikoi dje një letër drejtuar komisionerit për Zgjerim të Komisionit Europian, Oliver Varhelyi ku i kërkonte BE të kishte parasysh interesat e popullit shqiptar dhe se mbështetja ndaj erozionit të vlerave demokratike do ta thellonte krizën në vend.
Të dashur gazetarë,
Meqënëse burime nga mazhoranca kanë servirur për një TV, letrën zyrtare të Presidentit të Republikës Sh.T.Z Ilir Meta drejtuar Komisionerit për Zgjerimin, për të krijuar keqkuptime, po detyrohemi ta publikojmë të plotë për të shmangur çdo interpretim dashakeq. pic.twitter.com/Vu1cjF3h9H— Ilir Meta (@ilirmetazyrtar) March 5, 2020
Këtë letër, kryeministri Rama e ka cilësuar përpjekje për të “minuar urën mes Europës” dhe Shqipërisë.
“Për herë të parë që nga krijimi i Bashkimit Europian një president çon letra në Bruksel për të minuar urën mes Europës e vendit të tij! Për herë të parë në historinë e zgjerimit të BE një vend kandidat ka Brukselin PRO dhe Presidentin e vet KUNDËR vendit e KUNDËR vetë Brukselit”, shkruan Rama në Twitter.
Për herë të parë që nga krijimi i Bashkimit Europian një president çon letra në Bruksel për të minuar urën mes Europës e vendit të tij! Për herë të parë në historinë e zgjerimit të BE një vend kandidat ka Brukselin PRO dhe Presidentin e vet KUNDËR vendit e KUNDËR vetë Brukselit..
— Edi Rama (@ediramaal) March 6, 2020
Në reagimin e tij Rama shkruan se aksioni i opozitës dhe i presidentit vijnë si pasojë e Reformës në Drejtësi.
“Sa nisi terapia intensive e Reformës në Drejtësi nisi dhe reaksioni me temperatura të larta në organizmin e shtetit të sëmurë prej kancerit të korrupsionit! Përpëlitjet e ethshme me bojkote, molotovë, dekrete janë thjesht pasoja të intensitetit të terapisë mbi kancerin.”
Sa nisi terapia intensive e Reformës në Drejtësi nisi dhe reaksioni me temperatura të larta në organizmin e shtetit të sëmurë prej kancerit të korrupsionit! Përpëlitjet e ethshme me bojkote, molotovë, dekrete janë thjesht pasoja të intensitetit të terapisë mbi kancerin..
— Edi Rama (@ediramaal) March 6, 2020
Rama gjithashtu shprehet se Shqipëria mund të mos e marri “PO-në” për çeljen e negociatave nga Këshilli Europian por kjo nuk do të pengojë thotë ai përfundimin e Reformës në Drejtësi.
“Shqipëria mund ta marrë mund të mos e marrë PO-në që meriton nga Këshilli Europian,po ama kurimi deri në fund i sëmundjes dërrmuese që i ka ngrënë trupin e shpirtin prej 30 vjetësh,as mund dhe as do ndalet dot me kriza të turpshme të provokuara nga terapia e Reformës në Drejtësi!”. /Opinion.al
Shqipëria mund ta marrë mund të mos e marrë PO-në që meriton nga Këshilli Europian,po ama kurimi deri në fund i sëmundjes dërrmuese që i ka ngrënë trupin e shpirtin prej 30 vjetësh,as mund dhe as do ndalet dot me kriza të turpshme të provokuara nga terapia e Reformës në Drejtësi!
— Edi Rama (@ediramaal) March 6, 2020
