Kryeministri Edi Rama është shprehur se procesi i rindërtimit pas tërmetit tragjik do të nisë me familjet të cilat kanë të ardhura të pakta.
Rama foli dhe për cilësinë e ndërtimit të godinave të reja, duke theksuar se do jenë si fortësia e hoteleve luksoze me 5 yje.
Kryeministri tha se ky proces do të sjell dhe hapjen e fronteve të mëdha të punës në sektorin e ndërtimit. Për këtë arsye, Rama tha se do të diskutohet me kompanitë që do fitojnë garën për pagesa të konsiderueshme, si dhe do bëhet trajnim i krahut të punës.
“Siç ndërtohen hotelet me 5 yje që kanë në përbërje çelik të galvanizuar, kemi bërë shumë kërkime, analiza nga grupet e punës dhe kemi preferuar të paguajmë më shumë për të garantuar një qendrueshmëri shumë të lartë. Godina që kanë garancinë e paprekshmërisë së tyre, që s’do kenë nevojë për asgjë përvec lyerjes ndoshta, 70 vjet garanci. Me këtë proces hapet një front i madh punësimi ku qëllimi ynë është të kërkojmë nga kompanitë që do hyjnë si fituese të vendosin paga të konsiderueshme dhe jo paga të ulëta, apo minimale për punëtorët. Do kërkohet një punë që nis në ditët në vijim për të trajnuar krahë pune. Do ju referohemi shkollave profesionale, ftojmë nxënësit e shkollave profesionale që të aplikojnë të marrin pjesë në këtë zhvillim kaq të rëndësishëm për vendin e të favorshëm për të rritur kapacitetet profesionale dhe teknike. Bëhet fjalë për shumë vende pune, sot po e shohim shumëe mirë që ka plot nevoja madje edhe alarmante në këtë fushë nga kompanitë ëe kanë nisur meremetimet dhe ska kapaciteteve të mjaftueshme si pasojë e shumë juristëve që qëndrojnë në kafenenë poshtë dhe thonë jemi pa punë“,/ Opinion.al
