Presidenti i Shteteve të Bashkuara, Donald Trump, paralajmëroi qytetarët amerikanë për rrezikun nga koronavirusi, i cili sipas tij, në SHBA mbetet shumë i ulët dhe shtoi se hapat që ka ndërmarrë qeveria, e kanë ndihmuar vendin të mbrohet nga shpërthimi global.
“Administrata ime është gati të përballet me këtë krizë dhe përhapjen e saj në mbarë botën. Për shkak të asaj çfarë kemi bërë, qytetarët amerikanë janë kaq pak të rrezikuar e të ekspozuar ndaj koronavirusit”, tha presidenti amerikan.
Ndërsa shprehu shqetësimin për raportimet se një person rezulton i prekur nga koronavirusi në Kaliforni e një tjetër në Brazil, Trump theksoi se problemi më i madh është Italia.
I pyetur nëse administrata e SHBA-së po mendon pezullimin e udhëtimeve drejt Italisë dhe vendet e tjera të prekura rëndë, si Kina dhe Koreja e Jugut, Trump tha se do të presim për të parë se çfarë do të ndodhë.
“Këtë do ta vendosim në momentin e duhur”, theksoi kreu i Shtëpisë së Bardhë.
Ndërkaq, kreu i Shtëpisë së Bardhë, emëroi Mike Pence në krye të përgjigjes së Shteteve të Bashkuara ndaj krizës globale shëndetësore./Opinion.al
