Kryepeshkopi Anastas Janullatos është vlerësuar me çmimin ndërkombëtar “Klaus Hemmerle 2020”.
Vlerësimi i Janullatos është bërë i ditur nga presidenti Ilir Meta, i cili përmes një reagimi në rrjetet sociale ka uruar për rolin e tij të çmuar në forcimin e harmonisë ndërfetare.
Po ashtu, Presidenti shkruan se ndihet krenar për rolin e Anastas Janullatos dhe Kishës Ortodokse Autoqefale në Shqipëri.
Reagimi
E përshëndes vlerësimin e merituar të Kryepeshkopit të Tiranës, Durrësit dhe gjithë Shqipërisë, Anastas Janullatos, me çmimin ndërkombëtar “Klaus Hemmerle 2020”, për kontributin e Tij të shquar për përqasjen dhe bashkë-ekzistencën paqësore.
Krenar për rolin e çmuar të Fortlumturisë së Tij dhe Kishës Ortodokse Autoqefale të Shqipërisë në veçanti, për forcimin e harmonisë ndërfetare, kësaj vlere kombëtare dhe modeli unik në mbarë botën.
Kontributi ndërkombëtar i Kryepeshkopit Janullatos ka ndihmuar në afirmimin e shkëlqyer ndërkombëtar të Shqipërisë, si vend i lirisë dhe harmonisë ndërfetare.
I gëzuar që ky lajm i mirë vjen pak ditë pasi në emër të Shqipërisë i konfirmova Sekretarit amerikan të Shtetit, Michael Pompeo se jemi të përkushtuar në mbështetjen dhe fuqizimin e Aleancës Ndërkombëtare për Mbrojtjen dhe Avancimin e Lirive Fetare. ??/ Opinion.al
