Kreu i PD-së, Lulzim Basha është takuar mëngjesin e sotëm me ambasadorin e BE Luigi Soreca. Në një prononcim për mediat në selinë e PD-së në përfundim të takimit, Basha deklaroi se opozita vijon t’i qëndrojë kërkesës për zgjedhje të parakohshme.
Basha tha para gazetarëve, se beteja e opozitës është që zgjedhjet të bëhen sa më shpejt. Sipas tij, kriza në të cilën është sot vendi është shkaktuar pikërisht nga mentaliteti KÇK që është mbizotëron në qeveri.
‘’Kriza ekonomike është produkt i krizës politike. Opozita nuk ka ndryshuar kërkesat dhe i qëndrojmë asaj të zgjedhjeve të parakohshme. “Gjithë beteja jonë është që zgjedhjet të bëhen sa më shpejt dhe shqiptarët të kenë mundësi të zgjedhin me votë institucionet dhe qeverinë tyre që iu shërben dhe iu ofron mundësi punësimi dhe ekonomike që ta ndërtojnë jetën këtu. Gjithçka që po shohim në këtë vend, bjerrja e shpresës, kriza ekonomike është produkt i krizës politike. Kriza politike është krijuar pikërisht nga mentaliteti i KÇK. KÇK është qeveria, kryeministri dhe veglat e tij në pushtet”, u shpreh Basha.’’- tha Basha.
Gjithashtu, Basha tha se PD po bëjnë gjithçka që reforma zgjedhore të përmbyllet brenda 15 Marsit, duke theksuar se jo i gjithë procesi i reformës varet nga opozita.
“Ne po bëjmë çdo përpjekje dhe, nga ana jonë, nuk do të ketë asnjë pengesë, përkundrazi ka një angazhim total që reforma të përfundojë me 15 mars. Sigurisht, nuk varet vetëm nga ne. Një pjesë po kaq të rëndësishme, madje më të rëndësishme, ka dhe pala tjetër e cila sot ka edhe pushtetin. Duke vënë dukje se reforma administrative është e dështuar dhe se ka prodhuar më shumë korrupsion e më pak shërbime për qytetarët, kreu i opozitës theksoi se “ka ardhur koha që si pjesë e zgjidhjes së plotë të krizës, të rishikohet edhe reforma administrative dhe decentralizimi i pushtetit vendor”,-tha Basha./ Opinion.al
/ Opinion.al
