I dërguari i posacëm i presidentit të SHBA, Donald Trump, për dialogun Kosovë – Serbi, Richard Grenell ka kundërshtuar hapur vendimin e kryeministrit Albin Kurti për zëvendësimin e tarifave ndaj Serbisë me atë që Kurti e ka cilësuar “reciprocitet”.
Grenell ka kërkuar që tarifat të hiqen, pa reciprocitet.
“Jo vetëm të pezullohen, por të hiqen plotësisht”, tha zëdhënësi i tij ditën e djeshme.
Lexo edhe – Grenell kundër reciprocitetit ndaj Serbisë
Burime nga mediat kosovare bëjnë të ditur sot se Grenell ka pasur një komunikim të ashpër dhe të qartë me Kryeministrin e Kosovës, Albin Kurtin, si dhe Kryetaren e Kuvendit të Kosovës, Vjosa Osmani, të cilëve ua ka bërë të qartë se SHBA-ja është e gatshme të bëjë investime milionëshe në Kosovë, nëse hiqet taksa.
“Megjithatë, SHBA-ja do t’i anulojë të gjitha këto projekte deri sa Qeveria nuk i heq taksat dhe nuk heq dorë nga planet për vendosje të reciprocitetit”, ka thënë një burim për RTK.
Këtë e ka bërë të qartë edhe vetë Grenell i cili në një postim në profilin e tij në Twitter, shkruan se “Tarifat duhet të hiqen në mënyrë që të funksionojnë investimet. Është thelbësore”.
The tariffs must be dropped in order for investments to work. It’s fundamental. https://t.co/NhBejSS4RN
— Richard Grenell (@RichardGrenell) February 11, 2020
Presidenti Donald Trump i dorëzoi dje Kongresit propozimin e tij për Buxhetin e 2021, i cili përfshinte 800 milion dollarë për Korporatën e Sfidave të Mijëvjeçarit të Qeverisë së SHBA për të vazhduar punën e saj për të zvogëluar varfërinë globale përmes rritjes ekonomike duke u partnerizuar me vendet në zhvillim dhe duke demonstruar një angazhim për qeverisje e mirë.
Pjesë e kësaj pakete investimesh është edhe Kosova por me deklaratën e tij të fundit, ambasadori Grenell duke se ka vënë një kusht të qartë për qeverinë e Kosovës.
Më herët kryeministri Albin Kurti kishte lajmëruar se tarifat ndaj Serbisë do të hiqen dhe se do të zëvendësohen me reciprocitetin.
“Tarifa 100% hiqet porsa të vendoset reciprociteti. Shumë shpejt fillojmë t’i përgatisim Doganat e Kosovës për këtë. Si Kryeministër i Republikës së Kosovës e kam shprehur vullnetin që ta heqim tarifën 100%. Pres që Serbia të deklarohet se ka vullnet për ndaljen e fushatës për ç’njohjet e pavarësisë së Kosovës”
Por mesa duket partnerët amerikanë kërkojnë heqjen njëherë e përgjithmonë të tyre pa kushte. /Opinion.al
