Astrit Thaçi është autori i plagosjes së ndodhur mbrëmë në Durrës. Mësohet se i plagosur është Rexhep Tereziu, 42 vjeç, i cili po merr ndihmën e nevojshme mjekësore.
Ngjarja ka ndodhur në lagjen nr.13 Plazh, ndërsa 100 metër larg vendit të palgosjes është gjetur makina e autorit, tip “Ford” dhe brenda saj janë gjetur doza lënde narkotike.
Po ashtu, bëhet me dije se Thaçi ka qenë i dënuar më parë si në vendin tonë dhe në Itali, ndërsa dyshohet se ai është autori i grabitjes së pikës së kreditit në Durrës pak ditë më parë.
Gjatë orëve të mbrëmjes, policia deklaroi se; “Më datë 10.02.2020, rreth orës 20:30, në lagjen nr.13 Plazh, një person ende i paidentifikuar ka hyrë për të vjedhur në banesën e shtetasit R. T. Në tentativë për të vjedhur, por që është diktuar nga të zotët e banesës, personi ka plagosur në këmbë të zotin e banesës, shtetasin . T, 42 vjeç, i cili ndodhet në spital jashtë rrezikut për jetën. Personi nuk ka mundur ta kryejë vjedhjen, por është larguar me shpejtësi”./Opinion.al
