Pasi e quajti një “turp gazetaresk” raportimin e televizionit italian RAI 3 për kultivimin e drogës në Shqipëri. Kryeministri Rama i është rikthyer edhe njëherë kësaj çështjeje duke postuar në Twitter një reagim zyrtar të autoriteteve italiane.
Lexo edhe: Rai3 kronikë për kanabisin në Shqipëri, çfarë tregon raporti i ri
“Ja edhe e vërteta zyrtare për raportimin skandaloz të RAI3! Faleminderit autoriteteve të policisë italiane që na ndihmojnë përditë në afirmimin e fitores së përbashkët kundër kultivimit të kanabisit dhe në këtë rast na ndihmuan të fitojmë ndaj një gënjeshtre të madhe mediatike” shkruan Rama në Twitter.
Lexo edhe: Kronika e RAI 3 për kanabisin, Rama: Një turp gazetaresk
Ai e shoqëron postimin e tij me një reagim zyrtar mbi projektin e bashkëpunimit mes autoriteteve shqiptare dhe italiane të financuar nga projekti i BE, IPA 2.
“Autoritetet cilësojnë se lajmet e raportuara nuk korrespondojnë me të dhënat dhe nuk mund të hedhin hije mbi efikasitetin real të kontrastit të kultivimit të kanabisit dhe rezultatet e rëndësishme të arritura” thuhet ndër të tjera në reagimin e autoriteteve italiane. /Opinion.al
Ja edhe e vërteta zyrtare për raportimin skandaloz të RAI3! Faleminderit autoriteteve të policisë italiane që na ndihmojnē përditë në afirmimin e fitores së përbashkët kundër kultivimit të kanabisit dhe në këtë rast na ndihmuan të fitojmë ndaj një gënjeshtre të madhe mediatike? pic.twitter.com/iMcwy4E7Nl
— Edi Rama (@ediramaal) January 30, 2020
