Kërkimet për simptomat, përhapjen, parandalimin dhe prejardhjen e Koronavirusit në Google janë rritur ndjeshëm përgjatë ditëve të fundit.
Duket se përhapja e virusit në rang global nga Kina, në SHBA, Europë, Lindje të Mesme, Australi ka përhapur panik mes njerëzve, të cilët i qasen internetit për të gjetur informacione rreth virusit vdekjeprurës.
E megjithatë kjo përpjekje e madhe globale për të marr mendimin e “Doktor Google”, mbi atë se çfarë duhet të bëjmë dhe çfarë nuk duhet të bëjmë për të shmangur virusin, është shoqëruar edhe me pyetje jo pak naive.
Njerëzit kanë bërë pafundësisht kërkime nëse virusi merret nga konsumimi i birrës “Corona”, nisur nga ideja se emri Koronavirus është vendosur për shkak të ndonjë lidhje të mundshme me markën e birrës.
Këto kërkime janë bërë më së shumti në Amerikën Veriore, në Evropën Perëndimore, në Australi, Indi, Indonezi, Japoni dhe Zelandën e Re.
Megjithatë, e vetmja “e përbashkët” e birrës Corona dhe e virusit koronavirusit (nCoV) duket se është origjina e emrave të tyre, pasi në latinisht, “Corona” do të thotë kurorë. Virusi ka marrë këtë emër pasi kur shihet në laborator ka pamjen e një kurore./Opinion.al
