18-vjeçarja amerikane, Billie Eilish, triumfoi në “Grammy” duke rrëmbyer plot 5 çmime nga gjashtë kategori ku ishte nominuar.
Në ceremoninë që u mbajt në Los Angeles, Billie rrëmbeu katër çmimet më të lakmuara si : “Artisti i ri më i mirë”, “Albumi i vitit”, “Kënga e vitit”. Ajo gjithashtu fitoi “Record of the year”, çmim ky që vlerëson një këngë single ose një këngë të një albumi duke marrë parasysh të gjitha detajet, që shkojnë nga interpretimi e deri te regjistrimi dhe miksimi i këngës.
18-vjeçarja fitoi po ashtu edhe çmimin për “Albumin më të mirë pop”. Eilish futet kështu në histori pasi është këngëtarja më e re që ka fituar ndonjëherë çmimim “Albumi i vitit”, rekord ky që më parë mbahej nga Taylor Swift, e cila fitoi çmimin në moshën 20-vjeçare.
Ajo u bë gjithashtu artistja e parë femër që fiton “Record of the year”, “Albumi i vitit”, “Kënga e vitit” dhe “Artisti i ri më i mirë i vitit” brenda një viti./Opinion.al
