Presidenti Meta ka shprehur ngushëllime për familjet e viktimave, presidentin Erdogan dhe të gjithë popullin turk që u prek nga tërmeti i fuqishëm 6.8 Rihter që goditi Turqinë lindore mbrëmjen e shkuar.
Përmes një mesazhi në rrjete sociale, kreu i shtetit shprehetse po ndjek situatën me shqetësim dhe dhimbje të thellë teksa thekson se në këto momente tepër të vështira, populli shqiptar është në krah të Turqisë mike.
Postimi i Presidentit:
Me shqetësim dhe dhimbje të thellë po ndjek situatën në Turqinë mike, të goditur nga tërmeti tragjik. Shumë i tronditur nga viktimat në njerëz, ju shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan, duke u lutur që të mos ketë të tjera humbje jetësh. Të gjithë të lënduarve nga kjo fatkeqësi natyrore ju uroj shërim sa më të shpejtë.
Në këto momente tepër të vështira, unë dhe populli shqiptar jemi në krah Turqisë mike! ????
