Drejtues i Prokurorisë se Posaçme Arben Kraja ka njoftuar sot emrat e personave që kanë aplikuar deri tani për drejtorin e BKH-së dhe ka bërë thirrje për më shumë aplikime deri në datën 30 janar.
Sipas njoftimit, deri tani janë dorëzuar 5 kandidatura: Ibrahim Disha, Artan Shkëmbi, Gjovalin Ulndreaj, Adriatik Ago dhe Sabri Hoxha.
“Do të doja të ritheksoja edhe një herë që aplikimi për Pozicionin e Lirë të Punës për Drejtorin e BKH-së është një mundësi e shkëlqyer për t’u përzgjedhur për të drejtuar një grup të madh hetuesish të BKH-së, të cilët do të mbështesin Prokurorët e Posaçëm në luftën kundër korrupsionit dhe krimit të organizuar në Shqipëri. SPAK kërkon një kandidat ose kandidate që demonstron lidership, integritet dhe profesionalizëm. Në qoftë se ju mendoni që i plotësoni kërkesat e këtij pozicioni sfidues dhe kriteret në lidhje me përvojën në punë, arsimin dhe keni një figurë të pastër, aplikoni para datës 30 janar 2020” shkruan Kraja në njoftimin e tij. /Opinion.al
