Dy ditë më parë, aktori i mirënjohur Xhevdet Feri ndërroi jetë si pasojë e një sëmundjeje të rëndë. Ai u përcoll për në banesën e fundit ditën e djeshme nga qindra miq, familjarë e dashamirës të artit të tij i cili e bëri një nga figurat kryesore të teatrit dhe kinematografisë.
Vajza e tij, Bora Feri ka ndarë në faqen e saj në Facebook, arsyen e ndarjes nga jeta të babait të saj. Duke falenderuar si fillim të gjithë ata që i kanë qëndruar pranë në “ditën më të zezë të jetës” siç e quan ajo, Bora shkruan se Xhevdet Feri ndërroi jetë si pasojë e “një insuficience të rëndë pulmonare”.
Ajo sqaron gjithashtu dhe arsyen se përse familja nuk pranoi që aktorit t’i bëheshin homazhe publike. Kjo është bërë për hir të vullnetit të tij duke respektuar diskrecionin që ai kërkonte të kishte në jetën e tij dhe nuk ka të bëjë me arsye zhgënjimi prej sistemit apo politikës.
Statusi i plotë i Bora Ferit
Dy fjale ne diten me te zeze te jetes sime dhe te mamit….
1-Falenderime te pafundme dhe mirenjohje te thelle per gjithe ngushellimet dhe suportin e miqve, dashamiresve dhe gjithe atyre qe e kane dashur Xhode Ferin, qofshin ata te aferm apo te larget. Ne pamundesi per t’ju falenderuar nje nga nje, ju lutem pranoni keto falenderime publike.
2-Falenderime per mediumet e lajmeve qe kane percjelle me shume respekt e dashamiresi jeten dhe karrieren e babit, duke patur mirekuptimin por dhe hermetizmin tone te plote.
3-Ndjej qe duhet te sqaroj arsyen e ndarjes nga jeta te babit, per efekt qartesie te informacionit. Eshte e vertete qe ai kishte kaluar nje semundje te rende, te cilen e kishte mposhtur me sukses. Arsyeja fizike pse na la ishte nje insuficience e rende pulmonare, te cilen nuk mundi ta mposhtte. Falenderime per ekipet e Spitalit Amerikan 2 qe u perpoqen me gjithe forcat dhe kapacitetet e tyre per ta shpetuar. I provuam te gjitha, pa pishman!
4-Ndersa per sa i perket ceshtjes se homazheve publike…Xhoda shquhej per diskrecion ne jeten e vet. Vullneti i tij ish qe dhe ne jeten e pertejme t’i prezervohej ky diskrecion. E kuptojme dhe vleresojme qe dashamires te tij jane te dhembur per shkak te largimit te tij, por ne gjykojme se dhimbja eshte personale dhe duhet vuajtur si e tille. Nuk ka te beje me arsye zhgenjimi prej sistemit apo politikes – nuk eshte as rasti dhe as koha per refleksione te tilla. Neve na eshte shuar drita e diellit mbi shtepi, nuk mendojme per perceptime publike apo politike.
Me shume mirenjohje e perzemersi…/Opinion.al
