Kryetarja e LSI-së Monika Kryemadhi, ditën e sotme ka zhvilluar një bashkëbisedim me gazetarët, ku foli në lidhje me Reformën Zgjedhore dhe dialogun me Qeverinë. Kryemadhi tha në fjalën e saj, se opozita i ka gati rekomandimet dhe se për këtë arsye nuk duhet të pritet 15 marsi për të vijuar procesin e reformës.
Gjithashtu, kryetarja e LSI ka hedhur akuza dhe ndaj kryebashkiakut i Tiranës Erion Veliaj dhe deputetit, Damian Gjiknuri. Kryemadhi tha se përsa i përketë arrestimeve për pasojat e shkaktuara nga tërmeti i 26 nëntorit, nuk janë kapur përgjegjësit e vërtet të cilët janë në zyrat e bashkisë së Tiranës dhe asaj të Durrësit.
“Pse askush nuk është arrestuar nga bashkia e Tiranës apo e Durrësit për tërmetin? Aty janë ata… Erion Veliaj është një zgjatim, një nga 10 gishtat e duarve të Edi Ramës. S’kam pse merrem me gishtat e dorës…”, tha Kryemadhi.
Ndërsa për Gjiknurin dhe uljen në tryezën e reformës me të, ndërkohë që ai është i akuzuar nga opozita, Kryemadhi e cilësoi atë një këlysh të Ramës.
“O zotëri unë do luftoj me bishën ti më thua lufto me këlyshët. Të gjithë janë këlyshët e tij, çfarë i ka kërkuar Rama kanë bërë. Dënimi është një test për Edi Ramën se është kusht nga Bundestagu”, tha ndër të tjera Kryemadhi./ Opinion.al
