Kryeministri Grek Kyriakos Mitsotakis propozoi gjyqtaren Katerina Sakellaropoulou për postin e presidentit të ardhshëm të vendit.
Në një fjalim televiziv të mërkurën Mitsotakis tha se: Termi qytetar është i gjinisë mashkullore, por demokracia, Greqia dhe progresi janë gjini femërore. Dhe ky fakt na fton të bëjmë një hap të madh. Vlerësoj se është momenti që vendi ynë të ketë në postin më të lartë një greke të denjë. Propozoj pra për President të Republikës ,kreun e Këshillit të Shtetit znj. Ekaterini Sakelaropulu.
Sakellaropoulou është presidentja aktuale e Këshillit të Shtetit, gjykata më e lartë administrative e vendit.
Nëse kandidatura e saj miratohet nga Parlamenti, ajo do të jetë presidentja e parë femër në historinë e Greqisë dhe do të zëvendësojë presidentin aktual Prokopis Pavlopoulos, mandati i të cilit skadon në Mars.
Skellaropoulou lindi në Selanik në 1956 dhe u diplomua në Fakultetin Juridik të Universitetit Kombëtar dhe Kapodistrian të Athinës në 1978. Më 1982 ajo u emërua Asistente Gjyqtare në Gjykatën Supreme Administrative (Këshilli i Shtetit).
Në 1988 ajo u emërua si Këshilltare e Asociuar dhe shërbeu në Dhomën e Tretë të Gjykatës. Në vitin 2000 ajo u ngrit në detyrë në Këshillin e Shtetit dhe shërbeu në Dhomën e Pestë dhe në Tetor 2015 ajo u promovua si Zëvendës Presidente dhe u caktua në Dhomën e Tretë. Në Tetor 2018 ajo emërua si Presidente e Gjykatës.
Ajo ka studiuar të drejtën kushtetuese dhe administrative në nivelin pasuniversitar në Universitetin Paris-Sorbonne II.
Ajo u zgjodh kryetare e Shoqatës së Këshillit të Gjyqtarëve të Shtetit (1993-1995 dhe 2000-2001), Sekretare e Përgjithshme (1985-1986) dhe Nënkryetare (2006-2008). Ajo shërbeu si anëtare e Komisionit Qendror për Hartimin e Legjislacionit Legjislativ (1993-1995) dhe dha mësim për Ligjin e Mjedisit në Shkollën Kombëtare të Gjyqtarëve (2005-2014). Sakellaropoulou u emërua anëtar i Bordit të Provimeve dhe Bordit të Studimeve të së njëjtës shkollë (2010-2013).
Ajo ishte presidente e Bordit Disiplinor të Ministrisë së Punëve të Jashtme (2013-2015). Që nga marsi 2015 ajo është presidente e shoqatës shkencore “Shoqëria Hellenic e Ligjit për Mjedisin”. /Opinion.al
