Të tjera detaje janë zbardhur nga krimi i rëndë i ndodhur pak ditë më parë në fshatin Gjerbës të Mallakastrës, ku u përdhunua, u lidh me litar dhe u hodh në rezervuar 50-vjeçarja Drita Saliaj.
Lidhur me ngjarjen ka folur një nga familjaret e viktimës, Mimoza Saliaj, e cila është nëna e 16-vjeçarit Luis Saliaj, i cili mori pjesë në përdhunimin dhe vrasjen e Drita Saliajt.
Ajo shprehet se djali i saj nuk mund të ketë marrë pjesë në përdhunim, pasi 50-vjeçarja e cila mbeti viktimë e dhënës së tre të rinjve, e ka rritur atë. Po ashtu, Mimoza Saliaj deklaron se drejtësia duhet të zbardh të plotë ngjarjen dhe se djali i saj duhet të vuaj dënimin e merituar.
“Luisi e kishte nënë Dritën dhe nuk e bënte kurrë këtë që ta përdhunonte, është shumë fjalë e rëndë për Luisin kjo. Djali im, nëse ka bërë diçka, të vuajë dënimim. Përsa i përket përdhunimit, nuk besoj të këtë marrë pjesë, nuk jam dakord, sepse ajo e ka rritur djalin tim. Drita e ka rritur. E ka larë. I ka dhënë bukë. Po e vuaj shumë atë çka ka ndodhur. Drita ishte grua shumë e mire. Kemi shkuar shumë mire. Kam 20 vite në atë fshat dhe e kam njohur mirë. Djali im të vuajë dënimin e merituar. Drejtësia të veprojë dhe të nxjerrë në drite të vërtetën”, ka thënë ajo./ Opinion.al
