Një 50-vjeçar shqiptar në kërkim ndërkombëtar ka rënë në prangat e policisë në Francë dhe së shpejti do të ekstradohet drejt Shqipërisë.
50-vjeçari Tom Kaçi është dënuar nga Gjykata e Apelit Shkodër me 5 vite burgim për veprën penale në fushën e narkotikëve.
Ai së bashku me një person tjetër, në zona të thella të Mirditës kultivonin lëndë narkotike të llojit cannabis sativa dhe më pas kryenin transportimin e saj me mjete, në drejtim të zonave urbane të Mirditës.
Në kuadër të procedimit penal të regjistruar që në vitin 2013, u bë i mundur dokumentimi me prova ligjore i aktivitetit të paligjshëm në fushën e kultivimit dhe trafikimit të narkotikëve.
Si rezultat i bashkëpunimit të Interpol Tirana me Interpol Paris, Francë, u bë i mundur arrestimi i tij në Francë. 50-vjeçari Kaçi ka qenë person me precedent të mëparshëm penal./Opinion.al/
