Irani ka rrëzuar gabimisht avionin ukrainas, duke shkaktuar vdekjen e 176 personave. Deklarata e fortë vjen nga media amerikane CBS News e cila raporton se autoritetet e SHBA-së besojnë se avioni Boeing 737-800 u godit nga raketat.
Duke cituar burime në Inteligjencën amerikane, CBS News raporton se satelitët kanë identifikuar dy sinjale infra të kuqe të dy raketave, të ndjekura më pas nga një shpërthim.
Ndërkohë, Newsweek citoi një zyrtar të lartë Pentagonit dhe të inteligjencës amerikane, si dhe një zyrtar të inteligjencës irakene duke thënë se ata besonin se avioni ukrainas u godit nga një raketë Tor e prodhuar nga Rusia.
Kujtojmë se një avion ukrainas Boeing-737 është rrëzuar disa orë pasi Irani goditi me raketa bazat që strehojnë forcat e SHBA në Irak. Ai ishte nisur për në kryeqytetin ukrainas të Kijevit por ra menjëherë pas ngritjes nga aeroporti iranian “Imam Khomeini” në Teheran./Opinion.al
