Pronari i një televizioni lokal në Lezhë është vrarë ditën e sotme në Rrëshen. Të shtëna me armë zjarri janë regjistruar pranë një lokali ku si rezultat ka humbur jetën, 47-vjeçari Kastriot Reçi.
Ai ishte pronar i televizionit lokal “Media Plus-Tv” . Nuk dihen ende shkaqet e vrasjes së 47-vjeçarit.
Grupi hetimor ndodhet në venddngjarje dhe po punohet për zbardhjen e rrethanave të ngjarjes me qëllim identifikimin dhe kapjen e autorit/eve.
Gjithashtu është bërë e ditur se efektivët e policisë po krehin zonën si dhe janë ngritur pika kontrolli për kapjen e autorit/eve./Opinion.al/
Njoftimi paraprak i policisë:
Sot, rreth orës 11:05, në afërsi të një lokali në Rreshen, Mirditë,në rrethana ende të paqarta është vrarë me armë zjarri shtetasi K.R., 47 vjeç
Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.
Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve./Opinion.al/
