Një sëri vjedhjesh të ndodhura ditët e para të vitit 2020 në Tiranë janë zbardhur nga policia e cila ka arrestuar edhe 2 nga autorët.
Nga informacioni zyrtar bëhet e ditur se në kuadër të operacionit “Start one”, janë arrestuar në flagrancë 2 shtetas të lindur në Palestinë si dhe procedohet në gjendje të lirë 1 shtetas tjetër.
Y.L., 26 vjeç dhe O. E., 24 vjeç kanë rënë në praga pasi janë zbuluar se janë përgjegjës për vjedhjen e një dyqani në Rrugën e Durrësit.
“Në bazë të hetimeve dhe të provave materiale (pamjeve filmike dhe dëshmi) rezulton se këta shtetas janë autorë të disa vjedhjeve të ndodhura gjatë ditëve të para të muajit janar 2020 dhe konkretisht:
– Më datë 02.01.2020, në një bar kafe, në rrugën “Zenel Baboci” kanë vjedhur një sasi lekësh dhe pije alkoolike.
– Më 06.01.2020, në një dyqan, në Rrugën e Durrësit, kanë vjedhur rroba të ndryshme.
– Më 06.01.2020, në një farmaci, në Rrugën e Kavajës kanë vjedhur telefon.
– Më datë 06.01.2020, në ambientin e një pastiçerie, në rrugën “Ibrahim Rrugova” kanë vjedhur aparat celular dhe një portofol.”, thuhet në njoftimin e policisë.
Policia ka proceduar në gjendje të lirë A. B., 18 vjeç, lindur në Palestinë dhe banues në Tiranë.
Vijon puna për zbardhjen e vjedhjeve të tjera, të cilat dyshohet se janë kryer nga këta shtetas.
Materialet procedurale do t’i referohen prokurorisë, për veprime të mëtejshme, për veprën penale “Vjedhja” më shumë se një herë , në ngarkim Y. L. dhe O. E. /Opinion.al
