Policia e Durrësit ka arrestuar një 27-vjeçar nga Shijaku, i cili pas një konflikti të çastit për motive të dobëta ka tentuar të vrasë me armë dy persona që po udhëtonin me një makinë tip “Peugeot”.
Bëhet me dije se nga të shtënat me armë zjarri pati vetëm dëmtime materiale ndërsa i riu është dënuar me burg për veprat penale “Vrasja në rrethana të tjera cilësuese”, “Armëmbajtja leje” dhe “Shkatërrimi i pronës”.
Njoftimi i Policisë së Durrësit:
Specialistët kundër krimeve ndaj jetës dhe lirisë së personit në Drejtorinë Vendore Durrës bënë ndalimin e shtetasit I. B., 27 vjeç, banues në Shijak. Ky shtetas, më datë 29.09.2019, në Shijak, pas një konflikti të çastit për motive të dobëta ka tentuar të vrasë me armë zjarri shtetasit F. K. dhe Xh. K., banues në Shijak, të cilët kanë qenë në mjetin tip Peugeot, pa targa.
Nga të shtënat me armë zjarri pati vetëm dëmtime materiale të mjetit. Gjykata e Shkallës së Parë Durrës i ka vendosur masën e sigurisë “Arrest në burg”, për veprat penale “Vrasja në rrethana të tjera cilësuese”, “Armëmbajtja leje” dhe “Shkatërrimi i pronës”.
