Një aksident i rëndë rrugor ka ndodhur mesditën e sotme në aksin nacional Korçë-Pogradec, në hyrje të Maliqit, ku si pasojë kanë mbetur të plagosur 5 persona.
Mësohet se një “Benz” është përplasur kokë më kokë me një “Golf” .
Policia njofton se për pasojë janë dëmtuar 2 drejtuesit e mjeteve dhe 3 pasagjere, të cilët ndodhen në Spitalin e Korçës, nën kujdesin e mjekëve.
Rrethanat në të cilat ka ndodhur aksidenti janë ende të paqarta, ndërsa policia po punon për zbardhjen e plotë të tij.
Njoftimi i policisë
Më datë 30.12.2019, në aksin rrugor Korçë-Pogradec, në hyrje të Maliqit, janë përplasur mjeti tip “Benz” me drejtuese shtetasen E.B., dhe mjeti tip “Golf” me drejtues shtetasin Gj.M, rreth 26 vjeç.
Për pasojë janë dëmtuar 2 drejtuesit e mjeteve dhe 3 pasagjere, konkretisht shtetaset E.T., D.T., të dyja pasagjere në mjetin tip “Golf” dhe shtetasja L.Sh, pasagjere në mjetin tip “Benz”, të cilët ndodhen në Spitalin e Korçës, nën kujdesin e mjekëve.
Grupi hetimor po punon për të zbardhur rrethanat e ngjarjes dhe për të përcaktuar shkaqet e aksidentit.
