Ndërrimi i viteve në vendin tonë nuk do të vijë as me reshje shiu dhe as me reshje bore pasi moti i kthjellët dhe me vranësira kalimtare pritet të dominojë javën e ardhshme. Shërbimi Meteorologjik Ushtarak parashikon ulje të ndjeshme të temperaturave më 31 dhjetor.
Në disa prej qyteteve të vendit termometri do të zbresë në minus ndërsa përgjatë luginave në orët e mëngjesit dhe të mbrëmjes parashikohet të bjerë mjegulla.
Era përgjithësisht do të ketë drejtim nga verilindja dhe më e fortë pritet të jetë në zonat bregdetare, luginën e Drinit dhe Alpe.
Masat ajrore të ftohta parashikohet të sjellin ngrica në pjesën më të madhe të vendit, ndërsa një situatë e ngjashme meteorologjike pritet të na shoqërojë dhe ditët e para të vitit 2020./Opinion.al
