Një ditë pas vendimit të Gjykatës e cila e dënoi me 1 vit burg për çështjen “babalja”, Ervin Salianji është takuar ditën e sotme me presidentin Ilir Meta.
Teksa kanë diskutuar në lidhje me procesin gjyqësor ndaj Salianjit, Meta ka theksuar se mbron parimin kushtetues se kushdo që akuzohet penalisht, prezumohet i pafajshëm derisa në ngarkim të tij nuk ka një vendim gjyqësor të formës së prerë.
Meta i ka thënë Salianjit që të mos humbasë besimin tek drejtësia dhe të vijojë të ndjekë të gjitha rrugët dhe mjetet proceduriale ligjore në mbrojtje të të drejtave të tij.
Po ashtu, presidenti ka bërë thirrje që procesi gjyqësor të zhvillohet në mënyrë të pavarur dhe objektive. Po ashtu, kreu i Shtetit e garantoi Salianjin se do ta ndjekë me vëmendje çështjen e tij, duke inkurajuar një gjykim shterues dhe transparent./ Opinion.al
