Kreu i Unionit të Gazetarëve Shqiptarë, Aleksandër Çipa, i është bashkuar protestës së gazetarëve kundër paketës anti-shpifje që pritet të kalojë sot në Kuvend.
Çipa u shpreh se ligji është konceptuar në mënyrë të gabuar, pasi Autoriteti i Mediave Audiovizive do të funksionojë si një agjenci censure. Ai shtoi se penalitetet edhe në masën financiare janë drastike dhe të papërballueshme.
“Anti-shpifje”/AP: Nuk është në përputhje me standardet ndërkombëtare
“Mënyra si është konceptuar ky ligj është e gabuar, sepse vetë mënyra si do funksionojë AMA nuk ka gjë tjetër veçse si e një agjencie censure. Penalitetet edhe në masën financiare janë drastike, të papërballueshme të gazetarëve. Kapacitete e tyre janë të pamjaftueshme. Ka dhe një gjë tjetër të shpërfilljes së lirisë së shprehjes. Mënyra si do merret masa nga AMA dhe kalimi menjëherë te sekuestrimi përmes përmbarimit, patjetër personi i prekur do ta çojë në gjykatë. Shpërfillja për t’iu drejtuar gjykatës është cënim i lirisë”, u shpreh Çipa.
Paketa Anti shpifje, Ditmir Bushati zëri kundër në PS
Kreu i Unionit të Gazetarëve Shqiptarë tha se do t’i drejtohen Presidentit për të mos e dekretuar ligjin, teksa shtoi se ka diskutime dhe reagime të shumta nga ndërkombëtarët. Sipas Çipës do të bashkohet solidariteti i organizatave më të rëndësishme në botë, ku edhe një rrjet i Helsinkit është bërë në unitet me ta.
“Ne do t’i konsumojmë të gjitha mundësitë tona. Do t’i drejtohemi Presidentit për të mos e dekretuar. Jemi në diskutime me ndërkombëtarët, kemi reagime të shumta. Do të bashkohet solidariteti i organizatave më të rëndësishme në botë, një rrjet i Helsinkit është bërë në unitet me ne për zhbërjen e disa çrregullimeve, që vihen re në draftin që pritet të kalojë sot”, nënvizoi ai./Opinion.al
