Jeremy Corbyn ka bërë një lëvizje interesante në ditët e fundit të fushatës së tij.
Udhëheqësi i Laburistëve u shfaq në Whitby i veshur me një kostum ku ishte qepur në ngjyrë të kuqe motoja e tij, “For the many, not the few”.
Sipas “The Guardian” hyrja e Corbyn në sferën e “të bërit politikë me modë” është domethënëse, pasi politikanët kanë përdorur prej kohësh rrobat e tyre për të sinjalizuar ose theksuar disa gjëra.
Megjithatë kjo merr edhe më shumë vëmendje pasi Corbyn njihet si një politikan me një stil serioz, të rregullt dhe deri diku konsvervator, por asgjë përtej kësaj.
“Nuk është një sfilatë mode, nuk është një klub zotërinjsh, nuk është një institucion bankierësh, është një vend ku përfaqësohen njerëzit.”, ka thënë në Parlamentin britanik më 1984.
Ndaj kostumi i Corbyn ulërin një mesazh dhe shtron një pyetje, është e mjaftueshme për të fituar në stil, por a është e mjaftueshme të fitosh elektoratin?
Kujtojmë se lideri i opozitës laburiste po tenton të marrë mbështetjen e qytetarëve me planin e tij për Brexit dhe idetë për transformimin e vendit. Ai i ka mëshuar vazhdimisht idesë së referendumeve pasi sugjeron se një vendim i gabuar i Parlamentit për Brexit mund ti kushtojë Britanisë shumë për vite me rradhë./Opinion.al
