Biznesmeni Samir Mane dhe grupi Balfin kanë dhuruar shumën prej 1.2 milionë euro për të prekurit nga tërmeti në vend.
Përveç shumës Presidenti i Grupit Balfin Samir Mane dhe Bordi Drejtues dhe kompanitë përkatëse do të ndihmojnë të prekurit nga tërmeti edhe me mjetet e nevojshme e baza ushqimore.
“Bordi Drejtues i Grupit Balfin nën kujdesin e vecantë të Presidentit Samir Mane, dhe kompanitë përkatëse të Grupit vendosën sot që të akordojnë shumën prej 1.2 milione eurosh për të dëmtuarit nga tërmeti në Shqipëri.
Përveç kësaj shume të akorduar, kompanitë e Grupit Balfin, si SPAR Albania, Neptun Albania, Jumbo Albania, etj, jo vetëm të Shqipërisë, por edhe të Kosovës, Maqedonisë, Bosnjes, e kështu me radhë, që në ditën e parë, i kanë qendruar pranë banorëve të pastrehë, duke u ardhur në ndihmë me mjetet e nevojshme dhe bazën ushqimore.
Grupi Balfin bën të ditur se ndihmat e tij do të vijojnë çdo ditë.
Së bashku ngrihemi më të forte,”-thuhet në njoftimin e grupit Balfin.
Tërmeti i 26 Nëntorit i cili goditi vendin me magnitudë 6.4,ka shkaktuar deri më tani 49 viktima./Opinion.al/
