Gjykata e Apelit në Tiranë ka lënë në fuqi masën e sigurisë arrest me burg për ish-kryebashkiakun e Vorës, Agim Kajmaku, duke rrëzuar kështu kërkesën e tij për liri.
Kajmaku u zgjodh kryetar i Bashkisë Vorë më 30 qershor, dhe u shkarkua nga KQZ më 1 nëntor pasi shkeli ligjin e dekriminalizimit.
Ish-kryebashkiaku u akuzua fillimisht nga Partia Demokratike, se ishte arrestuar në Greqi, nën emrin Jorgo Toto, për veprën penale të falsifikimit të parave, por nuk e kishte paraqitur këtë fakt në formularin e Dekriminalizimit.
Më pas Prokuroria e Përgjithshme, bëri verifikimin e shenjave të gishtërinjve të Kajmakut dhe shenjat e gishtërinjve të shtetasit Jorgo Toto, të arrestuar në Greqi, ku rezultoi se bëhej fjalë për të njëjtin person.
Ndaj tij, Prokuroria e Tiranës ka ngritur 3 akuza, atë të shpërdorimit të detyrës, falsifikimit të formularëve, dhe ushtrimit të funksioneve pas dhënies fund të detyrës./ Opinion.al
