Kylie Jenner shiti shumicën e aksioneve të kompanisë së saj të komezmetikës duke përfituar 600 milionë dollarë plus në pasurinë e saj. Kompania Coty e vlerësoi Kylie Cosmetics me 1.2 miliardë dollarë dhe bleu 51% të aksioneve.
Ylli i “Keeping Up with the Kardashians” theksoi se dhe pse nuk zotëron më shumicën e aksioneve, do të vijojë të ketë në dorë zhvillimin e produkteve dhe komunikimin me klientët.
“Jam shumë e lumtur që po bashkëpunoj me Coty për të arritur edhe më shumë fansa të Kylie Cosmetics dhe Kylie Skin në botë. Partneriteti do të më lejojë mua dhe stafin tim të fokusohemi te krijimi dhe zhvillimi i produkteve teksa brandi bëhet më i fuqishëm ndërkombëtarisht.” tha Jenner në një deklaratë për shtyp.
Përmes bashkëpunimit me Jenner, Coty do të tregtojë produktet e Kylie Cosmetics dhe Kylie Skin kudo në botë duke ofruar njohuritë në kërkim dhe zhvillim, prodhim, shpërndarje dhe ekspertizë komerciale./Opinion.al
