Inspektorati Kombëtar për Monitorimin e Territorit ka njoftuar se ka prishur 5 objektet e para tek zona e “Astirit”.
Pas situatës së dhunshme në orët e para të mëngjesit ku forcat e policisë u përplasën me banorët e zonës, IKMT nisi punën për prishjen e objekteve në kuadër të realizimit të projektit të Unazës së Madhe.
“Deri ne orën 10.00 janë prishur 2 objekte tre katëshe, 2 dy katëshe dhe 1 një katëshe. Aktualisht 4 mjete të IKMT janë duke punuar ne 2 objekte të tjera” njofton IKMT.
Në një reagim të mëparshëm Inspektoriati njoftoi se “janë 33 objekte që do të prishen, prej të cilave 21 janë shpronësuar, ndërsa të tjerat janë skualifikuar nga procesi i legalizimit. Objektet variojnë nga një deri në katër kate. IKMT mbështet në këtë aksion nga Policia e Shtetit,”. /Opinion.al
