Ministri i Mbrojtjes në Turqi ka bërë të ditur se shpërthimi i një makine-bombë i ka marrë jetën 8 personave në veri të Sirisë, ndërsa 20 të tjerë janë plagosur.
Shpërthimi ndodhi në qytetin Tal Abyad, qytet i cili gjendet në zonën kufitare dhe u mor në kontrollin e forcave turke nga luftëtarët kurdë.
Ministria turke fajësoi luftëtarët kurdë të Sirisë për shpërthimin duke i akuzuar ata për “masakër të civilëve të pafajshëm”.
Ky sulm vjen vetëm një javë pasi një shpërthim i ngjashëm vrau 13 persona në Tal Abyad.
Turqia kreu një ofensivë ushtarake në veri të Sirisë muajin e kaluar, duke larguar nga zona kufitare luftëtarët kurdë. Ofensiva ushtarake turke ka detyruar rreth 200 mijë persona të largohen nga shtëpitë e tyre./Opinion.al/
