Pak ditë më parë disa persona në zonën e Astirit kanë goditur me sende të forta dhe gurë punonjësit e IKMT-së, të cilën ishin duke njoftuar, se cilat biznese preken nga projekti i rrugës së Unazës së Re. Si pasojë e goditjeve mbetën të plagosur 4 punonjës të IKMT-së dhe 1 punonjës i Policisë.
Pas kësaj ngjarje ku u dëmtua dhe një automjet të policis, u proceduan penalisht 9 persona, ndërsa njëri prej tyre Shpëtim Selimi, përfundoi në pranga.
Këtë të dielë banorët e Astirit së bashku me ish-deputetin e Partisë Demokratike, Klevis Balliu ndodheshin tek Gjykata e Tiranës,ndërkohë që për të ndaluarin Shpëtim Selimi u dha masa “Arrest Shtëpie”.
Ish-deputeti i PD-së Balliu u shpreh se qeveria duhet të sjellë një përfaqësues dhe të dialogojë me protestuesit, pasi banorët duan dialog.
“Pasi i arrestojnë i lënë në arrest shtëpie. S’ka më absurd! Kur duan t’i shembin shtëpinë, i lënë në arrest shtëpie. Dialog duan banorët e Unazës. Partia Demokratike ka kërkuar me qindra herë që qeveria të sjell një përfaqësues dhe të dialogojë me protestuesit. Duhet dialog. Se dimë pse qeveria kërkon përplasje me doemos sepse nuk pranojnë dialogun. Në disa media është raportuar se disa banorë kanë marrë një shpërblim. Po e marr të mirëqenë se me 8 veta qenka bërë dialog dhe se janë marrë shperblime. Po me pjesen tjeter?! Kur politika hyn nga dera në gjykatë, drejtësia del nga dritarja. Shteti ka marrë fund. Këtu ka krizë totale. Zgjidhja e këtij problemi nuk mund t’i jepet nëse nuk kthehet në pushtet sovrani”, -u shpreh ish deputeti Balliu.
Prej thuajse një viti banorët e Astirit vijojnë protestat e përditshme për të evituar që projekti iUnazës së Re të dëmtojë banesat dhe bizneset e tyre./Opinion.al/
