Presidenti amerikan, Donald Trump do të takohet me homologun e tij turk, Erdogan javën e ardhshme.
“Në një bisedë telefonike të dy liderët kanë rikonfirmuar se do të takohen në Uashington më 13 nëntor, me ftesë të presidentit Trump”, deklaroi presidenca turke.
Më herët Erdogan paralajmëroi se është duke konsideruar anulimin e kësaj vizite për shkak të mosmarrëveshjeve rreth konfliktit sirian, si dhe vendimit të fundit të Dhomës së Përfaqësuesve në Shtetet e Bashkuara për të njohur vrasjet masive të armenëve një shekull më parë si gjenocid.
Nga ana e tij Trump shkroi në Twitter se mezi pret të takojë kreun e Turqisë, të cilin e konsideron “shumë të mirë”. Trump shkroi se gjatë bisedës telefonike diskutuan çështjen e Sirisë, terrorizmit dhe përfundimin e armiqësive me kurdët.
Ky takim vjen në një kohë kur marrëdhëniet në mes dy shteteve aleate të NATO-s janë të tensionuara rreth veprimeve në Siri dhe shitjes së armëve të sofistikuara të Rusisë në Ankara./Opinion.al
