Pas një kohe të gjatë shkëputje nga rrjetet sociale, por edhe nga materialet muzikore të kënduara prej tij, kantautori Flori Mumajesi është rikthyer me dy këngë të reja.
Pasditen e kësaj të diele ai ka publikuar një video nga studio e regjistrimit ku paralajmëron për këto dy këngë të reja.
E para titullohet “Thjesht të du” dhe për Mumajesin kjo do të jetë kënga që do të këndojë në dasmën e tij.
Kënga e dytë e tij titullohet “Mbaroj” dhe sipas tij vjen si një këngë shpirtërore, në të cilën ka ndërthurur edhe motive të isos dhe elemente të tjera nga krahina e jugut.
Flori publikoi nga një pjesë të vogël të të dyja këngëve dhe ka lënë ndjekësit e tij të vendosin se cila do të publikohet./Opinion.al/
