Kryeministri Edi Rama ndodhet ditën e sotme në Itali, ku ka zhvillua një takim me homologun tij italian, Giuseppe Conte.
Pas takimit, dy kryeministrat kanë dalë në një konferencë të përbashkët për mediat. Rama ka folur dhe në lidhje me mos hapjen e negociatave , duke thënë se Këshilli Europian nuk mori vendimin e duhur.
Rama është shprehur se; “Fatkeqësisht Këshilli Europian nuk mori vendimin e duhur, duke na mohuar atë që meritonim. Duke dhënë kështu një mesazh dobësia dhe pafuqie për të mbajtur premtime. Por Shqipëria nuk ka asnjë rrugë tjetër përveç asaj që kemi ndjekur deri tani”. Ai shtoi se kishte informuar Kryeministrin italian se Qeveria do të vazhdojë me reformat sipas të gjitha indikacioneve që i janë dhënë.
Ndërkohë, kryeministri italian i ka bërë thirrje opozitës që të ulet në tryezë me mazhorancë në dialog pa kushte për të zgjidhur krizën politike.
“Opozita dhe qeveria të ulen në dialog që të zgjidhin krizën. Të dy vendet, Shqipëria dhe Italia do të punojnë për nismat në biznese”, -tha Conte./ Opinion.al
