Teksa hetimet për zbardhjen e plotë të vdekjes tragjike të 39 personave brenda një kamioni në Essex të Anglisë vijojnë intensivisht, mësohet se viktimat janë me kombësi kineze.
Kujtojmë se 39 persona, mes tyre 38 të rritur dhe një adoleshent janë gjetur brenda një kamioni në parkun industrial të Waterglade, në qytetin e Essex në jug të Anglisë rreth orës 1:40 me orën lokale, të mëngjesit të djeshëm.
Autoritetet kanë arrestuar shoferin e kamionit, një 24-vjeçar nga Irlanda e Veriut dhe ka nisur hetimet për të zbuluar nëse ka dhe bashkëpunëtorë të tjerë të cilët bëjnë trafikimin e qenieve njerëzore drejt Britanisë së Madhe.
Ndërkaq nga verifikimet e deri tanishme, rezulton se viktimat ndërruan jetë si pasojë e temperaturave të ulta brenda në kamionin frigoriferik, të cilat arrinin deri në -25 gradë celsius. Dyshohet se viktimat kanë pasur një vdekje të ngadaltë përgjatë 15 orëve udhëtim./ Opinion.al
