Rreth 450 kg lëndë narkotike, ku gjendeshin 418 kg marijuanë dhe 31 kg hashash e ardhur nga Shqipëria, u gjet nga Guardia Di Financa në një gomone rreth 18 milje larg bregut të Monopolit në Bari.
Ngarkesa ishte e ndarë në 45 pjesë ku në secilën kishte pako me nga 2,5,10 kg të gjitha të shenjuara me ngjyra të ndryshme në bazë të zonës së prodhimit, llojit të drogës dhe adresave, ku do të shpërndahej në Itali.
Pas ndalimit të gomones u bë i mundur arrestimi në flagrancë i skafistit, i cili ishte një 48-vjeçar italian. Sipas mediave italiane 48-vjeçari është dërguar në burg dhe droga është sekuestruar.
Sipas autoriteteve italinane gomonia ku u gjet droga ishte 6 metra e gjatë gjithashtu e pajisur me një motor shumë të fuqishëm./Opinion.al/
