Një aksident automobilistik ka shkaktuar vdekjen e një personi mëngjesin e së dielës. Mësohet se në aksin Lezhë – Shëngjin nj 29-vjeçar ka gjetur vdekjen pasi u përplas nga një makinë.
Viktima është identifikuar si Fatmir Pervataj, banues në Tropojë.
“Në rrugën Lezhë – Shëngjin, shtetasi E.M. 19 vjeç, banues në Lezhë, ka aksidentuar shtetasin këmbësor F.P. 29 vjeç, banues në Tropojë, i cili për pasojë ka humbur jetën.
Drejtuesi i mjetit është shoqëruar në ambientet e policisë për veprime të mëtejshme hetimore procedurale.
Grupi hetimor në vendngjarje vazhdon hetimet për zbardhjen e plotë të rrethanave të aksidentit”, njofton policia. /Opinion.al
