Presidenti i Shteteve të Bashkuara, Donald Trump tha se ai meriton çmimin Nobel për një varg çështjesh, mirëpo nuk e ka fituar atë, sepse çmimi nuk është ndarë në mënyrë të drejtë.
“Unë mendoj se do të merrja një çmim Nobel për shumë gjëra, nëse ata do ta jepnin atë me të drejtë, gjë që nuk e bëjnë”, tha Trump, në Asamblenë e Përgjithshme të Kombeve të Bashkuara në Nju Jork.
Komenti i Trumpit erdhi si përgjigje për një gazetar, i cili tha se Trump do të meritonte një çmim Nobel nëse ai do të mund të zgjidhë mosmarrëveshjen midis Indisë dhe Pakistanit mbi rajonin e ndarë të Kashmirit.
Presidenti amerikan është vetëofruar të ndërmjetësojë mosmarrëveshjen, e cila ka çuar në dy luftëra midis rivalëve rajonalë.
Paraardhësi i Trump, ish presidenti amerikan, Barack Obama, ka fituar çmimin Nobel. Trump tha se Obama e mori çmimin aq shpejt gjatë presidencës së tij sa ai as që e kishte idenë pse e mori./Opinion.al
