Ministrja e Infrastrukturës, Belinda Balluku ka konfirmuar anulimin e tenderit për rrugën Kardhiq-Delvinë.
Loti i 7 i rrugës Kardhiq-Delvinë ka një kosto totale prej 19 milionë euro, ndërsa në buxhetin e vitit 2019, qeveria kishte parashikuar 4.6 milionë euro për financimin e këtij aksi. Por sipas Ballukut, Ministria është fokusuar në projekte të tjera me prioritare.
“Ministria ka të drejtë që t’i japë prioritet disa nga çështjeve emergjente që mund të ketë, dhe nuk ka lidhje ka fonde apo s’ka fonde. Këto janë prioritetet momentale që ka Ministria. Po flasim për shtyrje të procesit. Kjo shtyrje procesi vjen për shkak sepse ka një projekt tjetër i cili është më emergjent. Ju duhet ta kuptoni që ARRSH nuk bën vetëm rrugë të reja. Kemi ura, rrugë të cilat mund të kenë emergjenca dhe duhen mbuluar”, tha ministrja Balluku.
Kardhiq-Delvinë shkurton me gati 3 orë rrugën Tiranë-Sarandë dhe vetëm dy muaj më parë gjatë një inspektimi në terren vetë ministrja Balluku u shpreh e bindur së rruga do të përfundonte para afatit./Opinion.al
