Policia në Hong Kong ka kryer kontrolle në mjetet e transportit public, të cilat çojnë në aeroport, para protestës së radhës në rrugët e Hong Kongut.
Policia vendase ka ndaluar një autobus që po shkonte për në aeroport para protestës që pritet të fillojë pasdite të shtunën.Vetëm udhëtarët janë lejuar të vazhdojnë rrugën për në aeroport.
Këto masa janë ndërmarrë për t’i evituar kaosin e fundjavës së kaluar kur protestuesit bllokuan rrugët si dhe u shkaktuan shumë dëme materiale gjatë përplasjes me policinë.
Shefja ekzekutive e Hong Kongut, Carrie Lam në fillim të kësaj jave, e ka tërhequr projekt-ligjin për ekstradim, i cili ka nxitur protesta për disa muaj, duke thënë se shpreson që vendi të mos përballet më me këtë situatë.
Projektligji mundësonte ekstradimin e banorëve të Hong Kongut në pjesët tjera të territorit kinez.Ajo është zotuar se bashkë me zyrtarë tjerë “do t’i drejtohen komunitetit për të nisur dialog të drejtpërdrejtë”.
