Marrëdhëniet midis presidentëve francezë dhe brazilianë janë përkeqësuar që kur zjarret Amazon filluan të tërheqin vëmendjen e të gjithë botës. Debati mes tyre kaloi në plan personal pasi presidenti brazilian, Jair Bolsonaro ofendoi gruan e Macron.
Por duket se sulmet ndaj Zonjës së Parë franceze po përsëriten, kësaj here nga një ish luftëtar i MMA-së, Renzo Gracie, Ambasador i Turizmit Ndërkombëtar.
Renzo postoi në Twitter një video ku ka kërcënuar se do të mbysë Emmanuel Macronin dhe ku thotë se Macron është një klloun që flet budallallëqe, duke iu referuar polemikave për zjarret në Amazonë dhe e quajti bashkëshorten e Presidentit francez një “dragua”.
“Zjarri i vetëm është ai brenda zemrave të brazilianëve dhe brenda zemrës së Presidentit tonë o klloun. Eja këtu po nuk të kapa nga ajo qafa që e ke si pulëm do të të mbys”, thotë Garcie, në postimin e tij.
“Gruaja e tij është e bukur apo e shëmtuar? A do ta merrnit ju për grua? Nëse flet keq për vendin tonë, prit kundërpërgjigje. Fakti që ai fle në shtrat me një dragua, nuk e bën ekspert zjarresh. Ajo është e shëmtuar”, u shpreh ai.
Nga ana tjetër presidenti francez nuk ka reaguar ende për deklartën e ambasadorit brazilian, që po bën xhiron e botës./Opinion.al
