Një krim i rëndë në familje është shënuar paraditen e kësaj të hëne në Memaliaj.
Mësohet se djali ka qëlluar për vdekje babain e tij. Ngjarja ka ndodhur në fshatin Shalës. Autori i dyshuar Arjan Shahaj qëlloi me sëpatë të atin, Ilijaz Shahaj 77 vjeç, duke e lënë të vdekur.
Arjan Shahaj u arrestua rreth 3 orë pas krimit, pasi ishte arratisur nga vendngjarja. Ai është arrestuar në Levan të Tepelenës teksa ishte duke hipur në një furgon për t’u larguar.
35-vjeçari ka bërë rezistencë por është neutralizuar nga forcat e policisë. Sipas policisë së Gjirokastrës, autori rezulton me probleme të shëndetit mendor./ Opinion.al
