SHBA është e vendosur që të vendos tarifën për produktet kineze të cilat kapin vlerën 150 miliardë dollarë. Uashingtoni është shprehur se nuk do të tërhiqet nga vendosja e taksës deri në aritjen e një marrëveshje për përfitimin reciprok.
Kjo tarifë pritet që të përshkallëzoj edhe më tepër tensionet mes Kinës dhe SHBA, të cilat prej kohësh vijojnë “luftën” tregtare.
Presidenti i vendit, Donald Trump, njoftoi të se Uashingtoni nuk tërhiqet për të tarifuar me 15 për qind produktet si televizorët, këpucët, orat dhe instrumentet muzikore të prodhuara në Kinë.
“Tarifat na kanë vënë në një pozicion të pabesueshëm në negociata, dhe Kinës dua t’ia them drejtpërdrejt se situata vetëm do të përkeqësohet. Sapo mësova se 13 për qind e kompanive do ta braktisin vendin. Nga tarifat po përfitojnë fermerët tanë, të cilët duan që unë ta fitoj këtë betejë, dhe kështu do të ndodhë,” deklaroi kreu i Shtëpisë së Bardhë.
Dy superfuqitë ekonomike kanë paralajmëruar bisedime të reja gjatë muajit shtator. Nga prilli i vitit 2018, SHBA-ja ka rritur tarifat mbi gati 250 miliardë dollarë importe kineze, ndërsa Kina ka reaguar me kundërtarifa mbi 110 miliardë dollarë produkte amerikane.
Ndërkohë, në lidhje me përplasjet me Kinën ka reaguar edhe Dhoma amerikane e Tregtisë, e cila është shprehur se rritje e tensioneve me Kinën mund ta çojë SHBA drejt recesionit, ndërsa mbi 200 firma të prodhimit të këpucëve i kanë kujtuar presidentit Trump se tarifat do rëndojnë mbi qytetarët../ Opinion.al E.Xh.
