Ish-deputeti i Parlamentit Evropian, Eduard Kukan, në një intervistë për mediat sllovake tha se në ndryshim nga Maqedonia e Veriut, për Shqipërinë ka pak gjasa që të jepet një datë për çeljen e negociatave në vjeshtë.
“Maqedonia e Veriut mund të marrë një datë për fillimin e negociatave në vjeshtë, ndërsa ka pak gjasa që kjo gjë të ndodhë edhe për Shqipërinë”, tha Kukan.
Teksa fliste në lidhje me Shqipërinë, ish-deputeti tha se duhet të zbatohet një reformë e madhe gjyqësore, duke shtuar se opozita bojkoton parlamentin dhe, mbi të gjitha, shqiptarët nuk mund të gjejnë kompromise. Sipas Kukan do të ishte joreale që Shqipëria të merrte datën për momentin.
“Ata duhet të zbatojnë një reformë të madhe gjyqësore, opozita bojkoton parlamentin dhe, mbi të gjitha, shqiptarët nuk mund të gjejnë kompromise”, theksoi ai./Opinion.al
