Vetëm pak ditë më parë në media u publikua lajmi së çifti i aktorëve Katie Holmes dhe Jamie Foxx i dhanë fund lidhjes së tyre 6-vjeçare.
Madje një ditë përpara këtij lajmi Foxx u fotografua duke dalë nga një lokal nate me këngëtaren 21-vjeçare Sela Vave. Sipas mediave të huaja thuhet se ka qenë Katie Holmes ajo që i ka dhënë fund lidhjes për shkak të jetës që aktori bënte.
“Prej shumë vitesh ai vijonte të kishte marrëdhënie me gra të tjera si dhe të shkonte gjatë gjithë kohës në festa. Ai sillej në mënyrë të pahijshme dhe jetët e tyre ishin të ndryshme. Ndërkohë që ai ishte gjithë kohës në festa, Katie ishte e fokusuar tek rritja e së bijës dhe tek puna,”-janë shprehur burime pranë aktores.
Gjithashtu kur u publikuan fotot e Foxx me këngëtaren Vave, Katie ka thënë se Jamie është i lirë të bëjë çfarë të dojë, pasi prej muajsh nuk janë më bashkë.
Gjithashtu distanca mes tyre nuk e favorizoi lidhjen, pasi Holmes jeton në New York, ndërsa Foxx në Los Angelos. /Opinion.al/
