Qyteti Uengling në Kinë është goditur orët e para të mëngjesit të së shtunës nga tajfuni “Lekima” duke lënë së paku 13 persona të vdekur dhe 16 të zhdukur.
Sipas agjencisë shtetërore të lajmeve, tajfuni “Lekima” është i nënti që godet Kinën për këtë vit, por është stuhia më e fuqishme ndër vite.
Si pasojë e stuhisë që shkatërroi qytetin janë evakuuar nga shtëpitë e tyre mbi 1 milionë banorë në Uenling, qyteti mes Tajvanit dhe Shangait.
Tajfuni parashikohej të ishte më i fortë por u dobësuar me kalimin e orëve. Tashmë ai pritet të godasë Shangain që ka një popullsi mbi 20 milionë banorë.
“Lekima” ka shkaktuar ndërprerje të energjisë elektrike në dhjetëra qytete, ndërsa rrugët janë bllokuar nga pemët e rëna. Mbi 1 mijë fluturime janë anuluar ndërsa shërbimet hekurudhore janë ndërprerë në të gjithë vendin. /Opinion.al
