Në Tiranë është ngritur një memorial me emrat e 251 viktimave të grushtit të dështuar të shtetit që ndodhi në Turqi më 15 korrik 2016. “Memoriali i Dëshmoreve te 15 Korrikut” është inauguruar në përvjetorin e tretë të përkujtimit të tentativës se grushtit te shtetit.
Agjencia Turke për Koordinim dhe Bashkëpunim (TIKA) ka njoftuar në faqen e saj në Facebook marshimin e Fitores se Demokracisë me pjesëmarrjen e qytetareve Turq dhe Shqiptare ne Tirane. Në ceremoninë e përurimit ka marrë pjesë nënkryetari i Bashkisë Tiranë Arbian Mazniku sëbashku me ambasadorin e Turqisë Murat Ahmet Yoruk.
“Në përfundim të marshimit, u realizuan inaugurimet e Rrugës se Dëshmoreve te 15 Korrikut ku janë mbjelle pemë rrapi në përkujtim të dëshmoreve, Parku i Demokracisë dhe Memoriali i Dëshmoreve te 15 Korrikut, realizuar me asistence të TİKA’s” shkruhet në postimin e TIKA-s.
Memoriali përmban emrat e 251 qytetarëve që humbën jetën gjatë tentativës së grushtit të shtetit kundër presidentit Erdogan në Turqi. Ai është ngritur në kuadër të projektit për ngritjen e një parku te zona e Liqenit nga TIKA në bashkëpunim me Bashkinë Tiranë.
Shqipëria bëhet vendi i parë në botë që ka një memorial të tillë dhe në vendin tonë nuk gjendet një i dyti i kësaj natyre. Ai u vizitua edhe nga Ministri i Brendshëm turk Süleyman Soylu gjatë vizitës së tij në Tiranë më 26 korrik të këtij viti.
“Në vazhdim të programit, u vizituan Parku i Demokracisë së 15 Korrikut, Rruga e Dëshmorëve dhe Parku TİKA, ndërtimi i te cilave është mundësuar nga TİKA. Z. Ministër mbajti një minute heshtje dhe u lut para memorialit ku janë skalitur emrat e 251 dëshmoreve” shkruan TIKA në faqen e Facebook me rastin e këtij eventi.
Presidenti Erdogan akuzon imamin Fet’hullah Gylen për organizimin e grushtit të shtetit tri vite më parë. Turqia gjithashtu ka shpallur “Lëvizjen Gylen” organizatë terroriste dhe persona të dyshuar si anëtarë të saj janë arrestuar dhe burgosur, përfshi këtu edhe qindra gazetarë të akuzuar se kanë mbështetur grushtin e shtetit. Gylen i cili jeton ën SHBA i ka mohuar akuzat e përfshirjes në grushtin e shtetit.
Në vizitën e tij në Tiranë përpara disa javëve, Ministri i Brendshëm turk njoftoi se në takimet e zhvilluara me kryeministrin Rama dhe homologun e tij Lleshaj u diskutua mbi organizatën “FETO” dhe veprimet që priten të merren ndaj saj nga ana e Shqipërisë. /Opinion.al
