Kryeministri Edi Rama sërish është shprehur i gatshëm për një marrëveshje me opozitën, ndërsa këtë të martë nga Asambleja e PS-së gjuha e tij nuk ishte më aq e ashpër.
“Patjetër që ne duam paqe politike, por një paqe politikë për Shqipërinë qe duhet të nis me Shqipërinë jo për karriget. Duhet të niset për Shqipërinë jo për karriget. Dora mbetet e shtrirë gati për ta shtrënguar prapë, reforma zgjedhore sipas rekomandimeve të OSBE-OHDIR, me opozitën parlamentare dhe opozitën jo parlamentare e cila ka dhe një vend të lirë bosh që e pret në komisionin e reformës. Madje ka dhe veto. Ky është ndryshimi mes nesh dhe atyre. Ata me molotov, ne iu japim edhe veton kundër nesh. Ndërsa reforma në drejtësi as nuk negociohet as nuk diskutohet, vetëm mbështetet”, tha Rama.
Kryeministri foli dhe për mendimet ndryshe në PS, që kërkojnë një marrëveshje.
“Do të jetë shumë e qartë që unë personalisht e di që ka shkolla të ndryshme mendimi në PS. Nuk kam disponimin minimal për asnjë marrveshje politike për të ndenjurat e politikanëve që rrezikojnë apo mund të rrezikojnë që drejtësië të merret me këdo që mund të merret si subjekt i drejtësisë qoftë majtas qoftë djathtas”, tha Rama.
“Dua të jem shuam i qartë dhe pjesë e qëndrimit dhe qasjes sonë të përditshme, me vepra dhe jo thjesht me fjalë gjithë ata që përfunduan aty ku e meritojnë dhe ranë në gropën që i hapën vendit për të djegur dhe për të hedhur në herë çdo prospektivë evropiane të vendit qoftë kushdo brenda kësaj çatie që mund të ketë hesape me drejtësinë. Hesapet i ka individuale dhe duhet t’i trajtoje individualisht. Është mirë të ripërsërisim partia jonë nuk ka gatishmëri të mbrojë, të tolerojë askënd që mund të ketë hesap me drejtësinë”./ Opinion.al
