Fjalën e tij në Asamblenë Kombëtare të Partisë Socialiste, Edi Rama e nisi me atë që ndodhi në 30 qershor. Sipas kryeministrit ajo ishte një përpjekje për të marrë peng zgjedhjet dhe me zgjedhjet për të marrë peng reformën në drejtësi.
“Ajo që ndodhi në 30 qershori, duke marrë peng zgjedhjet dhe përmes zgjedhjet reformën në drejtësi, prandaj dhe ato zgjedhje u kthyen në një kult të një përplasje që herë pas here në të gjitha vitet e zhvillimeve demokratike është shfaqur mes shtetit dhe anti-shtetit. Këtë herë me një dimension më shumë, me dimensionin për të mbrojtur pandëshkueshmërinë me raport për një Shqipëri të drejtë që ne luftojë plot pendesa, gabime dhe arritje. Në rrugën drejtë së cilës jemi në përputhje me interesin kombëtar, në përputhje të plotë dhe me miqtë dhe partnerët tanë strategjik. Në 30 qershor fitoi shteti fitoi qytetaria, fitoi shpresa. Humbi anti-shteti, humbi rrëmuja. Tani 30 qershori që dukej sikur nuk do vinte kurrë, iku paqësisht por plaga është ende e hapur dhe më e hapur se asnjëherë është sfida jonë. 30 qershorin e fituan qytetarët dhe për ne. Ndërsa ajo që vjen pas duhet ta fitojmë ne për qytetarët”, tha Rama.
Sipas tij kjo “betejë” u fitua falë ndihmës së partnerëve ndërkombëtarë. “Është me vend këtu ta përsëris se Shqipëria u shfaq në të gjithë brishtësinë e saj dhe u kërcënua u godit, por nëse nuk u rrëzua kjo patjetër erdhi falë qëndrimit të SHBA dhe BE në krah të shqiptarëve. Në mbrojte të parimeve më themelore të demokracisë”, tha Rama.
“Shqipëria sot është çliruar nga makthi i gjysmës së parë të vitit por mbetet me një plagë të hapur mbetet në nevojë për shumë kujdes politik dhe shumë pasion patriotik në qeverisjen e saj në të gjitha nivelet. Barra e sfidës të kurimit të plagës që hapi gjithë gjysma e parë ë vitit është e gjitha e jona për momentin. Qytetarët shqiptarë e bënë të tyren qoftë ata që votuan, në numra që kaluan edhe pritshmërinë më optimiste për mënyrën se si u zhvillua gjithë procesi dhe në një numër votash për kandidatët tanë që është nj bazë shumë domethënëse për të vijuar më tutje”, theksoi më tej Rama./ Opinion.al
